ماجينه يا ماجينه - الاغنية الرمضانية العراقية

ماجينه .. ياماجينه
حلي الچيس وانطينا
تنطونا لو ننطيكم
بيت مكة انوديكم

سيتا هاكوبيان وسعدون جابر - نحب لو ما نحب

كلمات كاظم السعدي
الحان جعفر الخفاف

نحب لو ما نحب يا ابو كَلب الرحب
الهوى من يخطي لعيون
يتلكَاه الكَلب

النخل وانتي والجبال الارض وعيون الاطفال
الوطن وآمال الاجيال
حرت إلمن أحب

وصلنا لو بعد يا وفاي الوعد
ونصير بكَرب لعيون
دربنا شما بعد

هوانا من هوى الناس
واملنا فرحة الناس
امانينا ورد ياس يعطر كل درب


هوانا يا هوى نغني لك سوا
لشعبنا نصير له شموع
ومحطات وضوا

سامي كمال - يا بحر

كلمات كاظم السعدي
الحان وغناء سامي كمال

يا بحـر صبري صبر سفينه
يا بحـر يمته الولف يجينه
يا بحـر .. يا بحـر

يا بحـر صارلي سنين اناطر
يا بحـر ماي وسما ومخاطر
يا بحـر لو إلي عندك خاطر
يا بحـر عينك على السفينه

يا بحـر والهوا عالي عالي
يا بحـر والبحر ماله تالي
يا بحـر ودعت عندك غالي
يا بحـر اتوسلك تعينه

يا بحـر مساهر اعد ايامه
يا بحـر والليل ما انامه
يا بحـر يمته يجي بسلامه؟
يا بحـر اتوسلك تعينه
يا بحـر اخاف ما يجينه

فرقة الانشاد العراقية - ماهو منه يا شعبنا

كلمات زامل سعيد فتاح
الحان طالب القره غولي

ماهو منه يا شعبنا ولا له مسكن ويه اهلنا
ولا حلال عليه مي دجلة وفرات
لما يصون رغيفنه لبيه الحياة
ولا له بين زلامنه جلمة ومكان
اللي يرضه بذله ويعيش بهوان
ترابنه يتبرا منه وإحنه هم نتبرا منه
لما يشد حزامه وي شدة حزمنه
إحنه مره نعيش .. مره نموت
مره بكل عمرنا
الف هنياله .. الف هنياله
اللي يستشهد بحبك يا وطنه

فرقة الطريق - دمشق .. أبهج ما غنى به الغابرون

أبهج ما غنى به الغابرون أسمك يا دمشق
أجمل ما ترسمه العيون وجهك يا دمشق
أرق من منابع العيون طبعك يا دمشق
أصلب من صخور قاسيون شعبك يا دمشق

يا حبنا البريء .. دمشق يا دمشق
يا مهرنا الجريء .. دمشق يا دمشق
يا نجمنا البديع .. دمشق يا دمشق
يا حصننا المنيع .. دمشق يا دمشق
يا وطناً نحميه بالعيون دمشق يا دمشق

ستار جبار - ما جنَّك هذاك انت

كلمات علي العضب
الحان محمد جواد اموري

ما جنَّـك هذاك انت ولا جنّه ربينا سنين
ولا جنّه كَضينه سنين مامش لا رحت لا جاي
يا المسجي بسواد عضاي
يللي خضرت بالروح
ولا جنّك ربيت وريعت بالروح

لا مالي عتب وياك .. شو ضاع التعب بهواك
كل عتابي وي عمري .. ياريت الكَلب بس ينساك
وينسى ذكرك وطرواك

جنت مسعد واسولف بيك كل ليل السهر لو مر
جنت اتأملك دنيا وكَمر ع الدنيا لـــو كَمـَّــر
وارسمك طيف يلغيمة وتمر بالصيف
وياريت الكَـلب بس ينساك وينسى ذكرك وطرواك
وانسى مساهري وياك

محمد جواد اموري - موال الحلم واغنية ما جنك هذاك انت

الاغنية كلمات علي العضب

يعيني عليمن ربيه
ولا جيه بعد منهم ولا كَعدات كَمريه
ولا ضحكه ولا شبكَه ولا ريه تحضن ريه
ولا بيدر هوانه يعود يوم ونكعد بفيه
يعيني الشاطي والمعبار هال وهدم جاليه
انا مو كَتلج نزيزه الكَاع برد الزرع مو عنبر
انا مو كَتلج غيوم الكَيظ جذابه ولا تمطر
بعد يعوينتي عليمن نعد ليالي ونسهر
جزانه الريل والماطور بشطوط الهجر حدر

ما جنَّـك هذاك انت ولا جنّه ربينا سنين
ولا جنّه كَضينه سنين مامش لا رحت لا جاي
يا المسجي بسواد عضاي
يللي خضرت بالروح
ولا جنّك ربيت وريعت بالروح

لا مالي عتب وياك .. شو ضاع التعب بهواك
كل عتابي وي عمري .. ياريت الكَلب بس ينساك
وينسى ذكرك وطرواك

جنت مسعد واسولف بيك كل ليل السهر لو مر
جنت اتأملك دنيا وكَمر ع الدنيا لـــو كَمـَّــر
وارسمك طيف يلغيمة وتمر بالصيف
وياريت الكَـلب بس ينساك وينسى ذكرك وطرواك
وانسى مساهري وياك

صباح غازي - فانوسكم ع الدرب هو ضوا عيوني

فانوسكم ع الدرب هو ضوا عيوني
والروح ويه الكَلب عندكم ينشدوني

يابو زبون الحضر ومطرز بإبره
ولصاغ حجل الذهب ما عازته الخبره

شميت نسمة هوا لن ريحتك بيها
عنبر وهيل وورد غيرك ما يحويها

محمود انور - موال قصة حبيبين

محمود انور - لا مر علية

فؤاد سالم - موال لاتضيعين العرف حنه يبويه رفاكَـه

الموال كلمات كاظم اسماعيل الگاطع
الاغنيه كلمات طاهر سلمان
الحان : طالب غالي

لا تضيعين العرف ..
مو غريب لما مشى بكل روجه گلبه
 وگضه عمره بفد جرف
 جرفي صافي .. گلبي صافي ..آنه صافي
 تجري بعروگي السواجي
 وجفي بيه ريحة عراقي
 آنه جنسيتي سماري
 اقري بعيوني انكتب عنوان داري
 اتنفس بريتي النخل
 ويروح لهناك النفس بي مني طاري
 وآنه ذاك آنه العراقي

ما انام ابدا يا وطن الا تجي الكَمريه
ومن ليلك الهادي تشع شمس الضحى فجريه
ما انام الا والوطن مايه يحظن شاطيّه
واتمدد بفي النخل وعيوني ع البرحيه

حنه يابويه رفاگة دايم تلمنه الشفاگة
لو فرگتنه الليالي لزمن يابويه نتلاگة

كريم منصور - هذا آنه وهذاك انت

كلمات زامل سعيد فتاح
الحان طالب القره غولي

هذا آنه .. وهذاك انت .. وتظل بظنوني ذاك انت
هذاك انت ويمر طيفك واشوف آمالي لو شفته
كبرنا وكبرت الدنيا بهوانه وكل حلو عرفته
عرفتك جوري لو فوَّح .. عرفتك طير من يصدح
ومن حبك غنايانه تعلمته .. وهذاك انت

عرفتك وردة القداح برد الصبح جفلها
ومن حبك هويت الكَاع والماي ليغازلها
شفت بعيونك بلادي
سهل وجبال والوادي
شفت دجلة وفي مثلك
يجود بخير الي ولاجلك
شفت موجاته مثل معاضدك فضه
تتهادى ويه جاري الماي هلهولة فرح غضه
ومن حبك غنايانه تعلمته .. وهذاك انت

هواك انت يذكرني بربوع بلادنا الخضره
هواك انت ليسعدني ويكحل عيوني بزهره
هواك إنت يذكرني بفرات ودجله يوميه
مثل كًلبي ومثل كًلبك تلاكًن صافيه النيه
هواك انت ورد اخضر يمطر وفه وحنيه
هواك انت شتل عنبر يجود بغير منيه
 ومن حبك غنايانه تعلمته .. وهذاك انت

فاضل عواد ودلال الشمالي لا خبر لا جفية لا حامض حلو لا شربت كاملة

المقاطع بصوت فاضل عواد كلمات طارق ياسين والحان حسين السعدي
والمقاطع بصوت دلال شمالي كلمات زامل سعيد فتاح ولحن طالب القرغولي
------
لا خبر لا چفيه لا حامض حلو لا شربت
 لا خبر گالوا صوانيكم شموع انترست
 والتمن الحلوات من كل بيت حلوه التمت
 وأترف أصابع ليلة الحنه بعذابي تحنت
 فد نوب ما مش وفه لهنا وصلت
 ***
 سنتين اودي لك خبر وماعينك النه التفت
 والنوبة جفية مهر تطلبها مني وشربت؟
 غص بونينك حنتي لكل البيوت اتعدت
 وشموعي تتراكص فرح باترف صواني اعتلكت
 ماريد خطك ولا خبر كل عشره ابد ماظلت
 ------------
 ماسألتي لاگبل المهر لابالمهر لابعده
 يا حلوه جا ماي العشق يتبده جا وتبده
 العشگ ما ينحزر جزره ومده
 والشوق ذبني بحيرتي واتعده
 عذالي بيّ وبدموعي اتشفت
 ***
 گبل المهر ودينه لك خط بهضيمة ترده
 زيبگ طلع يابد وفه وحبك بصبخة اتبده
 عشگك حزرناه وانعرف جزره وتبين مده
 جم كيض مر وجم شتا شجاب العشگ وشوده
 اشتل ورود محبتك وزودك عليه تهده
 ------------
 مشينا لاهلچ الگمر ويه النجم خطابه
 صغنالچ انجوم الثريا گلادة يا حبابة
 يللي محبتچ شجرة صنوبر بوحشة غابة
 ماريد حب جذابي يعذب گلوب احبابه
 ما اريد عشرة من شمع وسط الشمس تتبدى
 ***
 ماالك فخر تمشي النجم ويه الگمر خطابه
 اللي يحب بطرف الجفن يطرز جفافي احبابه
 نجوم الثريا بكل وكت بگلادتك جذابه
 جنك ولا معاشر نجم جنك نسيت حسابه

الهام المدفعي - جذاب

شعر مظفر النواب
الحان وغناء الهام المدفعي

ردتك .. ولو جذاب
ردتك .. تطش بعمري صم عتاب
ردتك .. ولو شباج يملي حياتي تراب

ردتك ولو صبيًرة حمره ..
تفيً وجهي من حجي الغيًاب
جذاب يا ثعلب عنبنا الترف
ونحبًك ولو جذاب

دكَيت بابي .. وعشبت بابي فرح
والخشب عطب وذاب
خدي اشتعل .. والروح شبت ورد فلفل
والتراجي ذابن بتيزاب
واصهلت مرجحت الكَصايب يا حبيبي
ومتت مثل الباب
جم دوب .. موكَـلنه الكَلب بطل
ومنك تاب .. جـذاب
يا كَـلبي يا ثعلب .. من كَبل جذاب

يا طيور الطايرة - بصوت شاعرها زهير الدجيلي وغناء سعدون جابر

الحان كوكب حمزة

يا طيور الطايره مري بهلي
ويا شمسنا الدايره ضوي لهلي
سلمي لي وغني بحجاياتنا
سلمي لي ومري بولاياتنا
وروحي شوفيلي بساتين الوطن
هم طلع طليعها بنخلاتنا؟!
آه لو شوگي جزى وتاه ويه نجمه
 آه لو صيف العمر ما ينطي نسمه
كان صار العمر صحرا والوطن ضيعنه رسمه
وكان ما شفنا له صوره وما عرفنا وين اسمه
لكن نحبه رغم كل المصايب
والهوا دواغ الحبايب
عذيبي يغفى ويه الگصايب
سلمي لي يا طيور الطايره
سلمي لي يا شمسنا الدايره

يا طيور الطايره شوفي هلي
 ويا شمسنا الدايره بفرحة هلي
 سلمي لي الشوگ يخضر بالسلام وبالمحبة
 سلمي لي الشوگ طير وياج رايح عرف دربه
 والسما مصحيه وصحيت انه گمر
 وگلب لحديثه مثل شاطي ونهر
مري يمه يا طيور الطايره
واذا ما مريتي يمه تضيع روحي
 والگلب جا وين اضمه .. يا طيور الطايره
وياهوى يلمني والمه يا شمسنا الدايره
 وبعد ياهو الانشده .. يا شمسنا الدايره
 والهوى يسافر بمكتوب بجنح طير
 وبگصيبه تحنّت بليلة مهر

مو بعيدين ليحب يندل دربهم
 مو بعيدين الگمر حط بگربهم
 لونهم لون الربيع ليضحك بوجه السنابل
 شوگهم شوگ الحصاد ليتنه حضنات المناجل
 سلمي لي وشوفي وين ديارهم
 سلمي لي وشوفي شنهي اخبارهم
 سلمي لي لو وصلتي ديارهم
 سلمي لي وشوفي شنهي اخبارهم
 سلميلي يا طيور الطايره
 سلمي لي يا شمسنا الدايره
 احاه يا ديرة هلي
 احاه يا ريحة هلي
 احاه يا طيبة هلي
 احاه يا جنة هلي

اغنية البارحة كاملة - بصوت زهير الدجيلي وسعدون جابر

كلمات زهير الدجيلي
الحان محسن فرحان

البارحة .. هاجت أشواق العمر كلها , البارحة ..
وحنيّت ألك بأكبر همومي , البارحة ..
حنيّت ألك حّنة غريب ويذكر أحبابه بعد غيبة وسفر ..
شايف حنين العمر لأيام الصبا , يتمنى يرجع ساعة لأيام الصغر ؟
شايف حنين الصيف لأيامه أذا جاه الشتا
هاكثر يلتم حزن مابين الشجر ؟
شايف حنين الأرض في قيظ الزمن
تنفطر ملهوفة على قطرة مطر ؟
شايف حنين الطير من يعود في وقت الغروب لعشّه
ومايلقى وليفه , والشمس غابت , ولاعنده خبر ؟
حنيّت ألك ..
وردتك تعاشرني أبدال أنجوم كانت سارحة ..
نجمة تسامرني غصب ونجمة تكليّ رايحة ..
البارحة ..
** ** **
البارحة , وصيّت ألك ..
وياما البحر ضيّع وصايا السفن والسّفانة ..
وصيّـت ألك ..
وياما الدهر غرّق أشواق العاشق بأحزانه ..
وصيّت ألك ..
وياما الوطن ضيّع عناوين الأحبة ويّ عنوانه
وصيّت الك ..
وصيّت ألك حتى العصافير الزغار الفرحّت دنيانه
طارت أبشوقي أمغبشه ماخذها الهوى فرحانة
ولمّا ذبل ورد الصبر ,
رجعت لي مهمومة يعيني وهاكثر حزنانة !!
وطاحت هموم الليل فوق أجفوني
وي مجرى الدموع الجارحة .
والمشكلة , نجمة تسامرني غصب ونجمة تكليّ رايحة ..!
** ** **
البارحة ..
غنيّت ألك كل الأغاني الليّ تحبها , البارحة
وردتك تجي ..
وكنت أحسب العشاق يلتمّون عندي البارحة
وبلكت تجي ..!
ولميّت ألك كل الأشعار العندي حتى أحكيلك
أحلى الكلام الليّ يبوس عيونك ويضوي لك
وردتك تجي لابس قوافي الذهب كلها الليّ صغتها أبحبك
وحتى أشكيلك ..
أشكيلك من الدهر عّذبني بغيابك , ويزعل من أغنيلك
أشكيلك من الغدر .. من كثر ألأنذال السرقوا أشعاري ومواويلك
أشكيلك من الدنيا ماترضالي أزرع لك ورد بالوطن وأزهي لك
ردتك تجي ..
لكن الظلمة خيّمت , وأسمع أنين العاشقين ابقلب هذا الليل
كلمن فاقد أحبابه غصب , وكل يوم يسمع نايحة
البارحة ..
** ** **
البارحة , صوتك أسمعه يعتبّ من أبعيد , أسمعه
منين ؟ أصيح أمنين ؟
ياصوت النخل بالريح يبكي ودمعي دمعه !ّ!
منين ؟ أصيح أمنين ؟
ياصوت الوطن مذبوح , وماكو أحدّ يسمعه ..
منين ؟ أصيح أمنين ؟
يحبيّب , شقيق الروح , ياحلم المحبة , الغرق في دمعه
ياصوت العراق أبكل سجن مسجون ؟ وياقمرة تطلعه ؟؟
منين ؟أصيح أمنين ؟
كأن الدنيا تبعد وأبعد أوياها وأسمعه
البارحة ..
والمشكلة , نجمة تسامرني غصب , ونجمة تكليّ رايحة .
البارحة ..

ياس خضر - مغربين وين اهل الهوى

كلمات زهير الدجيلي
الحان طالب القره غولي

مغربين وين أهل الهوى
والشوكَـ بكًليبي دوى
ليلي يلم طاريكم وانتم جزيره وهيمه
مشيت دنيا عليكم عاشكًـ يدور بضيمه
 حنيت واترجى دليلي وعيني
 بلجن عذاب فراكًكم بهداي من ياذيني
بلجن يحن حاديهم

يومين.. ها يوم إنكًضى وها يوم حس النايحه
روحي على طارف داركم غيمه على ساعه ورايحه
تانيتكم طير غريب وعينه نجمه بغيمه
ماتدري يا ساعه يجي ساكًي الوداد بديمه
حنيت واترجى دليلي وعيني
 بلجن عذاب فراكًكم بهداي من ياذيني
بلجن يحن حاديكم

براحاي جن صد دليلي وخاف ازيد عليها
براحاي بسكوت الهجر وبلايه حس ياذيها
جن الدرب طال وبعد بيكم ومامش رده
ولا مزنه من عمر الهجر تحيي الغصن والورده
حنيت واترجى دليلي وعيني
 بلجن عذاب فراكًكم بهداي من ياذيني
بلجن يحن حاديكم

ياس خضر - إنحبكم

كلمات زهير الدجيلي
الحان طالب القره غولي

إنحبكم .. والله إنحبكم
والله .. والله إنحبكم
فرحانين إنحبكم .. زعلانين إنحبكم
متعودين إنحبكم والله
متعلمين إنحبكم والله
إنحبكم .. والله إنحبكم

خافن فد يوم الدنيا تراوينا فراگ
خافن فد يوم العاشگ ما يلگه اشواگ
مكتوبين بشوگ الناس بوجه العشاگ الحلوين
مرسومين خدود وحنه وفرحه ونسمات بساتين
وشگد الليل يلم نجوم
وشگد الروح تشيل هموم
متعودين إنحبكم والله
متعلمين إنحبكم والله
إنحبكم .. والله إنحبكم

من اول بسمات الصبحية ولاخر ساعة بجفن الليل
إنحبكم والحب خلى الدنيا هلهولة فرحه ونسمه وهيل
وإنحبكم والدنيا بحبكم تحلى وتكبر
والله وكل شي بعين العاشگ يحلى ويكبر
وشگد الروح تشيل هموم
متعودين إنحبكم والله
متعلمين إنحبكم والله
إنحبكم .. والله إنحبكم

كريم منصور إنتهينـــــــــــة

كلمات كاظم اسماعيل كاطع

انتهينه
 وانتهى لما ينتهي وخلص حجينه
 انتهينه
 وبقت كَطرات الوفه المذبوح تتناثر علينه
 وبقت
للمجفين كوم اسرار عد روحي الامينه
 وكون ندري بالعتاب يفيد بيهم عاتبينه
 وكون يسوون البجي
 جا بثنعش ناظر بجينه
 غافلونه
 وباكَو العشرة غفل من بين ادينه
 وباكَو من ايد العمر سنتين
 وبودهم رضينه
 تالي نزعوا شوكَنه من كَلوبهم
 وكَالوا عوض عنكم لكَينه
 تالي سدوا بابهم من شافوا عالباب اجينه
 وشكَكَوا مكتوبنه وبلا خجل ذبو علينه
 تندمينه
 جينه بجنازة عشكَنه المات غفله وأيسينه
 وابتعدنا بعيد لكن طيفهم ظل يعتنينه
 ظلت حجاياتهم عالبال ما جلمه نسينه

موفق بهجت - اهلا بغداد حبيبتنا - التسجيل الاصلي

اهلا بغداد حبيبتنا اهلا بعروس الحرية
بالورد نحيي اخوتنا بحروف الحب القلبية
إنا عشاقك وحدتنا قلبا ودماء عربية

غني بغداد لأمتنا
غني في ضل محبتنا
يا زندا يبني نهضتنا
بلواء يرفع رايتنا
عيشي بالقلب لكِ القلب
بغداد العرب منارتنا
أهلا بغداد حبيبتنا أهلا بعروس الحرية

عيشي بغداد غد النصر
عيشي للورد وللدهر
يا سوراً يحمي تربتنا
بصمود قلب كالصخر
يا نورا يسطع كالفجر
يا مجدا يسطع كالدهر
أهلا بغداد حبيبتنا أهلا بعروس الحرية

انوار عبد الوهاب - على حطة ايدك ما تغيرنا

كلمات : كريم العراقي
الحان محمد جواد اموري

على حطة ايدك ما تغيرنا
اهل ابتسامة شما تمرمرنا
مطرت علينا احنه بلا غيم
ما بين على وجوهنا الضيم
ما ننحزر .. نتمنى لحزرنا
ما ننحزر .. بس وينه لحزرنا

على حطت إيدك بيتنا هناك
مفتوح لاخبارك الشباك
حفنة صور تجمعني وياك
هالـكَـد تعاتبني صورنا

على حطة إيدك من يسألون
كلما اجاوبهم يشكون
القصة انتهت .. كلهم يكَولون
آخ آنه وعيوني شصبرنا

على حطة إيدك ما كَلت آه
أمنت بالورد لـزرعناه
طيف الامل من عيني ما تاه
للحزن مَ نسلم امرنا

انوار عبد الوهاب - داده مو راحت علينه

كلمات والحان محمد جواد اموري

داده مو راحت علينه
من راح نكبر من يجينه
داده شمعات الهوى گصار
ونخاف يطفن لو سهينه
نظراتنا تشرح شما صار
عنكم وعنا وعن حجينه
وحبنا طفل ما بين الضلوع
خايف نضيعه بين ايدينه

داده المن اشكي المن؟
والجرح بالگلب خزن
داده بس ياهو الحجى وياي
ساعدني واوصف للهوى دواي
جا شفت دربي ودوريته
ونسيت روحي وما نسيته
تدرون العمر ضاعن سنينه
سكتاتنا عمّت علينه

سعدون جابر - تسجيل نادر لاغنية ناطره عيوني (عود)

كلمات جبار الغزي
الحان محسن فرحان

ناطره عيوني بدربكم مره لهفه مره شوكَـ
تسهر الروح عله حبكم ولترافتكم تلوكَـ
أحبابي يا كَمرة الدنيا سيرو عيد ومرو بيه
الليل طال احبابي
ولا كَمر دكَـ بابي

ولملميت الشوكَـ كله وناطرتكم
بلجي تسيورة فرح
وساهريت العمر كله وناطرتكم
جزت نجمات الصبح
ويا وكت شح عله كل شي
لا بشوفتهم تشح
أحبابي يا كَمرة الدنيا سيرو عيد ومرو بيه
الليل طال احبابي
ولا كَمر دكَـ بابي

وجانت الضنه نتلاكَه وطرزيت سنين عمري
هلال يتنطر أحبابه
ولسه ما شافت عيوني أحبابه
وحته دمعات الفرح جذابه
هلال اصير ما تجون
عيد أصير ما تجون
جا شصيرن حته يا عيني تجون

سعدي الحلي - يا مدلوله

سعدي الحلي - جيران نزلوا بالطرف يايمه احبهم